Девојките од контроверзното руско дуо решија да ги „закопаат секирите“ и повторно да застанат една до друга.

Досега ниту еден руски бенд или артист го нема постигнато тоа што успееја да го постигнат Лена Катина и Јулија Волкова во почетокот на минатата деценија.

Под водство на Иван Шаповалов, девојките ќе станат познати како t.A.T.u. - најуспешното музичко дуо кое некогаш има излезено од Русија.

Меѓутоа, сето тоа заврши изминатото лето, кога девојките решија дека им е доста една од друга и секоја тргна по свој пат, прекинувајќи секаков контакт, единствено комуницирајќи преку медиумите, а немаа баш нешто убаво за кажување една за друга.

Меѓутоа, изгледа дека повторното издавање на нивниот деби албум по повод десетгодишнината од првото издавање во далечната 2002 година ги натера девојките работите да ги видат од друга перспектива.

Затоа, Лена Катина и Јулија Волкова решија да ги „закопаат секирите“ и повторно да застанат и да пејат една до друга и тоа како специјални гости на шоуто The Voice Romania.

Девојките зад себе како t.A.T.u. имаат шест студиски албуми, три на англиски јазик и три на руски, неколку ремикси и неколку компилации, а за фановите во Букурешт ги изведоа песните All The Things She Said и All About Us.

Погледнете го повторното обединување на дуото и уверете се дека годините биле „дарежливи“ кон Лена и Јулија кои изгледаат подобро од било кога.