Контроверзниот пејач Крис Браун лансираше веб страна под името "Symphonic Love" која на неговите обожаватели ќе им служи како интерактивен медиум со помош на кој ќе можат меѓусебно да комуницираат...
"Страницата е направена така што на неа ќе може да пронајдете инстант инспирација и да добиете подршка за разни видови потешкотии, а својата креативност можете да ја искористите за да постигнете нешто. Тоа го правев уште кога бев дете па затоа знам дека и на останатите деца им треба таков вид на охрабрување", изјавил 23-годишниот Крис.
Интерактивната страница им овозможува на фановите да ги објавуваат своите уметнички изработки, да слушаат музика, да гледаат видео материјали и меѓусебно да се дружат и да си помагаат.
