Пејачот најави дека ќе се повлече од сцената и дека ќе оди да ужива во стекнатото богатство.

Џејмс Блант (38) продаде 18 милиони копии од албумите ширум светот и штотуку ја заврши едногодишната турнеја, а сега планира да се пензионира.

„Сакам да го имам цело време на светот само за мене. Немам планови да снимам нов албум, ниту повторно да настапувам. Сакам да уживам и да се опуштам“, рече Блант, кој најголемиот дел од годината го поминува на Ибиза каде што има вила.

Пејачот номиниран за пет Греми награди се прослави со баладата You're Beautiful, и деби албумот Back To Bedlam продаден во шест милиони примероци. Освои и две Брит награди.