Канадската тинејџерска поп сензација, Џастин Бибер во текот на промотивната европска турнеја се онесвестил зад бината.

Инцидентот се случил откако на концертот во Париз се удрил во стаклен ѕид. Тој рекол дека се почувствувал чудно и дезориентирано, но дека собрал сили да ја испее и последната песна. Потоа отишол зад сцената каде што се онесвестил.

Лекарите му рекле дека има потрес на мозокот и дека треба повеќе да се одмара. Набрзо потоа пејачот на “Твитер” напишал дека се чувствува добро и се пошегувал на своја сметка поради незгодата.

Инцидентот се случил еден ден откако Бибер, кој е на турнеја низ поголемите градови во Европа и го промовира новиот албум “Believe”, во Осло го дочека голема група обожаватели.

Дошло до хаос и турканици во кои биле повредени околу 50 девојки, од кои 14 биле хоспитализирани.