Бендот соопшти дека новиот албум е завршен, а на 2 јануари фановите ќе можат да го чујат најавниот сингл Shady Love.

Синглот премиерно ќе биде емитуван на BBC радио, а за сега не сакаа да потврдат кога ќе бидат официјално објавени ни синглот, ни албумот затоа што сакаат „да ги изненадат фановите“.

„Ви посакуваме среќни празници и многу добра музика во 2012 година, а убаво изненадување ќе ви добиете и порано отколку што очекувавте. Едвај чекаме да ги слушнете нашите нови песни“, наведено е на официјалните профили на бендот на социјалните мрежи Фејсбук и Твитер.

Групата минатата година го издаде многу успешниот албум Night Work, а за сега неименуваниот четврти студиски албум, според пишувањето на американските медиуми, би требало да се појави некаде во почетокот на пролетта.