Кога ќе помислите на љубовен триаголник во стилот Анистон-Пит-Џоли, кого прво ќе обвините за целата ситуација?

Мажите ќе го поддржуваат Бред Пит, а повеќето жени, свесно или несвесно, ќе сочувствуваат со Џенифер Анистон и ќе ја обвинуваат Анџелина Џоли. Најлесно решение е да ја обвиниме другата жена, и во целост да заборавиме на улогата на мажот во целата приказна. Професионалците за врски велат дека жените најчесто вината ја префрлуваат на другата жена од овие причини:

1. Веруваме дека меѓу жените постои код, кој налага туѓите мажи да не се чепкаат.

2. Мажот кој не изневерил многу често ни бил поддршка, а новата жена не е, па полесно е да се обвини таа.

3. Ги сметаме другите жени за закана, па ако дојде до неверство, само ја потврдуваме сопствената параноја.

4. Него го сакаме, а неа не ја познаваме, па полесно ни е да ја усмериме омразата кон неа.

5. Уверени сме дека ако таа исчезне, и проблемот ќе исчезне.

6. Полесно ни е да замислиме дека таа некако го натерала на неверство, отколку да помислиме дека тој е неверен гад.

7. Да ја мразиме неа е многу полесно отколку да собереме храброст и да го оставиме него.

И ако по неверството се уште мислиш дека тој е светец кој сосема случајно се нашол во оваа ситуација, преиспитај ги повторно своите принципи.