Ова е само уште една во серија обиди да се пронајде маѓична формула која ќе осигури одличен сексуален живот за сите припаднички на поубавиот пол. Откако е откриена вијаграта која на мажите многу им помага да ги исполнуваат своите сексуални задоволства, се инвестираат милиони со цел да се откријат мали таблети кои ќе го сторат истото и за жените. Но, за разлика од мажите со кои е се многу едноставно, женската сексуалност е малку покомплицирано прашање. Некои жени имаат поголема желба за секс, што кореспондира со нивото на тестостерон. Таквите жени се амбициозни и често избираат кариера поврзана со финансиите или бизнис. Кај нив исто така се појавува многу често и силна желба за секс. Ова докажува дека желбата на жените како и мажите е чиста хемија. Но, од друга страна пред да се впушти во однос, жената мора да се чувствува атрактивно и емоционално подготвена да биде со партнерот кој и одговара. Ако нејзе не и се допаѓа како изгледа или има лошо искуство во минатото, не и одговара однесувањето на партнерот или едноставно не е вистинскиот момент, веројатно е дека жената нема да се впушти во сексуален однос. Желбата за секс се разликува од жена до жена и не постои универзално правило или формула. Хормоните имаат важна улога бидејќи тие влијаат на речиси сите функции во телото и однесувањето.

Вишокот на тестостерон може да остави видливи траги на жените, во форма на зголемување на влакната по телото, но тоа не значи дека тие жени ќе чувствуваат голема желба за секс. "Хоромоните кои влијаат на желбата за секс, се само мал дел од приказната. Жена кои има висок удел на тестостерон и се наоѓа во лоша врска, нема да почувствува голема желба за секс", објаснуваат експертите. За да се разбере подобро, кога и зошто жените се возбудени потребно е да се согледаат низа физички ментални и социјални фактори. За добар секс се потребни желба, љубов, интимност и вистински момент. Друга важна работа, ако една жена ужива во сексот со својот партнер ќе се чувствува привлечна и ќе сака уште. Ако не практикува секс, тој полека но сигурно ќе падне во заборав и ќе стане нејзина споредна работа во животот.