Во лето поминуваме повеќе време надвор отколку обично, а паркот или базенот се идеални места за запознавање на некоја занимлива особа или барем да ја усовршите својата вештина за флертување додека се подготвувате за море...

Флертувањето е претежно невербална активност, а ставот е пресуден за успех. Клучна работа е самодовербата. Ако не настапите полни со самодоверба, лесно можете да оставите впечаток на очајник, а тоа е последното што ви треба. Од друга страна, ниту пак ако се однесувате како да се го "ослободиле градот" нема да ја постигнете саканата цел. Тешко ви е да се определите за вистинскиот начин? Бидете опуштени и забавни. Шега во вистинскиот момент или разговор за некое занимливо место на кое сте биле е добар почеток. Претворете ја комуникацијата со спротивниот пол во забава.

Нека насмевката биде ваше "оружје". Личноста која ви се допаѓа има куче, еве ви добар "изговор" да и се приближите. Прашајте дали може да го помилувате, насмевнете се, прашајте како се вика кучето...и разговорот веќе почна. Личноста која ви се допаѓа гледајте ја во очи. Но, од време на време тргајте го погледот.

На мажите понекогаш им треба мал знак за да бидат сигурни дека сте заинтересирани, а повеќето од нив лесно ќе соберат храброст да ве поканат да излезете ако малку ги охрабрите. "Ненамерното" допирање со подлактиците или рамената на соговорникот му праќа дискретен сигнал дека сте заинтересирани.