Некаков вид на врска во работата имаат повеќе мажите (51%) отколку жените (46%). Третина од нив се во потполна љубовна врска, 29% имаат меѓусебен платонски однос, додека петина од вработените на работата имале само сексуална авантура. Секс и заеднички излегувања без претерани емоции имале 16% од испитаниците. Иако нема некои значајни разлики меѓу групите кои се впуштаат во врска на работата, во одредена мера многу од испитаниците се на возраст меѓу 36 и 40 години.

Од нив 57% имале некаква врска на работа. Голем број од испитаниците кои имале врска на работата, 82% врската ја одржувале со колегите, петина од нив се биле во врска со претпоставениот, а 12% со луѓе на пониски позиции. Само 4% од мажите и 1% од жените се заљубуваат во колегите од работа, а поголемиот број на испитаници (60% мажи и 82% жени) сепак не се и не сакаат да бидат во врска со колегата, односно со колешката. Повеќе од третина од испитаниците кои одржувале врска на работа имале сексуален однос во просториите на компанијата, а најпопуларни се канцелариите, тоалетите и собите за состаноци. Иако се нечести, истражувањето покажува дека врските на работа немаат негативно влијание врз работната атмосфера, дури и кога доаѓа до прекин.