Иако со закаснување, љубовната приказна помеѓу 42-годишниот британец, Steve Smith и 42-годишната Carmen Ruiz Perez од Шпанија, завршила со среќан крај затоа што повторно ги споило љубовно писмо кое било изгубено цели 17 години зад каминот, а било пронајдено кога е реновирана куќата.

Smith и Ruiz-Perez се запознале пред 17 години во Devon, каде студирала Carmen. Се заљубиле и се вериле, но врската се распаднала кога Carmen поради работа се преселила во Париз. Неколку години потоа, Steve ја пронашол адресата на нејзината мајка во Шпанија и и напишал љубовно писмо со надеж дека ќе ја обноват врската. Мајка и го ставила писмото на каминот, но писмото паднало позади и останало непрочитано цели 17 години.

Во романите, таква несреќа околност би предизвикала долгогодишна несреќа и двајцата млади би се врзале со погрешни партнери, но кога дошло до реновирање на куќата, Carmen го пронашла писмото, се охрабрила и телефонски ја побарала старата љубов, па се договориле да се сретнат во Париз. Двојката се венчала минатиот викенд.