Крадец во трговски центар во Австралија во манијачки бег се треснал во стаклена врата, а потоа се онесвестил. На крајот сепак успеал да побегне.

Непознат маж, откако на некоја жена и ја украл чантата во трговски центар, почнал да трча по ходникот, но стигнувајќи до вратата на автоматско отварање ја избрал погрешната страна, па се обидел да пројде низ затворениот дел.

Тој го пробил стаклото, а потоа се онесвестил.

Случајните поминувачи му помогнале да стане, не сфаќајќи дека станува збор за крадец, а потоа тој продолжил да бега.

Полицијата и понатаму трага по него.