Девојчето Медисин Кестел (10) и го спасила животот на мајка си, благодарение на техниката на пружење помош научена од серијата „Вовед во анатомија“.

Девојчето ја пронашло мајка си Кендис Сејферт (36) онесвестена на подот во нивната куќа во Шебојган во американската држава Висконсин.

Откако повикала брза помош и додека го чекале доаѓањето на лекарот, таа и нејзината другарка Кетлин Врик (12) извеле техника на оживување научена од редовното следење на популарната серија.

„Мама и јас постојано ја гледавме серијата и ја научив таа техника“, рече таа за еден локален дневник, објаснувајќи дека на мајка и и давала вештачко дишење додека нејзината другарка истовремено со рацете го претискала градниот кош на онесвестената жена.

Екипата на брза помош стигнала многу брзо и ја префрлила Сејферт во болница.

Во болницата на Сејферт и рекле дека останала жива, благодарение на присебноста на ќерка и и научената техника на реанимација.