Режисерот Џеј Џеј Ејбрамс ги откупил правата за екранизирање на книгата „Циркус на лаги: Нарцисот Ленс Армстронг“.

Книгата на Џулиет Мејсур, спортска новинарка на New York Times, ќе биде наскоро објавена, а авторката ја опишала кариерата и личниот живот на најславниот велосипедист на светот, борбата со ракот, но и вистината за допингувањето која и ја откри на Опра Винфри.

Армстронг, добитник на седум последователни титули Тур Де Франс, призна дека за време на кариерата земал недозволени супстанци за подобрување на резултатите, и поради тоа му беа одземени сите титули и доживотно му е забрането професионално да се занимава со велосипедизам.

Ејбрамс е познат како автор на хит серијата „Изгубени“, и режисер на филмовите „Невозможна мисија 3“, „Супер 8“ и други.

За главната улога во филмот наводно преговара Џејк Џиленхол.