Портпаролот демантирал дека познатиот актер „плукал“ по познатиот филм од 1990 година.

Ричард Гир наводно во интервју за австалиското списание Woman's Day рекол дека „Убава жена“ е филм со „глупава приказна“ и дека е негов „најнеомилен“ проект до сега.

Меѓутоа, портпаролот на Ричард Гир рекол дека целото тоа интервју е измислено.

„Ричард нема разговарано со новинарите на Woman's Day и нема давано интервју во тој австралиски медиум. Тоа се само измислици и глупости“, рече портпаролот на актерот.

Гир пред неколку недели даде интервју во друг медиум во кој филмот го опишал како „драг спомен“, и рече дека би сакал повторно да работи со Џулија Робертс, која за „Убава жена“ освои Златен глобус за главна улога.