Погледнете го неверојатниот подвижен постер за новиот холивудски блокбастер, Игрите на гладните...

Игрите на гладните е серијал од три книги од американската авторка Сузан Колинс. Истиот тој серијал ќе биде адаптиран во три (или евентуално четири) долгометражни холивудски филмови со Џенифер Лоренс, Џош Хачерсон и Лијам Хемсворт во главните улоги.

Првиот дел од серијалот, насловен како The Hunger Games (Игрите на гладните) треба да излезе на 23 март следната година, а официјалното одбројување до излегувањето на првиот филм можете да го следите на официјалната страница на филмот.

Неодамна беше објавен и првиот промотивен постер за филмот, покажувајќи ја птицата мокинџеј од брошот на Кетнис, во пламења, со логото „Нека шансите секогаш бидат на ваша страна“.

Инаку, во „Игрите на гладните“ станува збор за интересна комбинација од модерно гладијаторство и реално ТВ шоу. Кетнис, шестнаесет годишна девојка, за да ја спаси сестра си, се пријавува на Игрите на гладинте, манифестација што секоја година се одржува во Капитол.

Во Игрите на гладните има само едно правило: убиј или биди убиен. 24 деца на возраст од 12 до 18 години се избираат да учествуваат од 12-те реони, по едно момче и едно девојче од секој реон, а нивното меѓусебно убивање се следи на телевизија, што за Капитол претставува врвна забава, но за реоните потсетник за нивната зависност од власта и смрт за нивните деца.

Првиот дел од книгата се има задржено на New York Times бестселер листата неверојатни 102 недели.