Критичарите го осудија првиот официјален портрет на војвотката од Кембриџ, на кој Кејт (31) изгледа многу постаро.

Уметникот Пол Елмсли имаше чест прв да ја овековечи на платно војвотката од Кембриџ, но британскиот печат го погреба неговото уметничко дело.

„Не знам дали ова е Кејт или нејзината баба“, е само една од оценките на портретот на кој војвотката навистина изгледа многу постаро.

„Косата како да почнала да и побелува, а на лицето се гледат линии, сенки и брчки кои ги нема во реалноста. Портретот е одвратен, досаден и вистинска катастрофа“, напиша уредникот на „Британскиот весник за уметност“ Робин Сајмон.

Кејт и принцот Вилијам дојдоа на откривањето на сликата во Националната галерија на портрети, и скромно и со насмевка го пофалија уметникот.

„Баш е убав, навистина прекрасен“, рече идната мајка Кејт, а Вилијам се согласи дека „навистина е прекрасен“.

Бритнаскиот печат не се согласи со љубезните пофалби на славниот пар, туку делото на Елмсли го оценија како катастрофа и навреда за војвотката која штотуку наполни 31 година.