Ford Crown Victoria, легендата меѓу американските сили на редот и таксистите, се повлекува...

Предлозите за замена се многу, а најновиот доаѓа од матичната компанија. Неодамна на презентација во Лас Вегас, Форд го откри новиот полициски модел, заснован на моделот Taurus. Новата генерација на полициски пресретнувач има тешка задача да го замени претходникот, Crown Vic, кој е со 70% застапен во полициската флота.

Првите информации зборуваат дека овој автомобил по Crown Vic може да поднесе удар во задниот дел со брзина од 121 км/ч. Механика на полицијата во овој случај го вклучува 3.5 V6 мотор со 263 коњски сили, додека изведбата на twin-turbo е со 356 КС.

Автомобилот добива модифицирана електронска логистика, како и посебно прилагоден ентериер. Во кабината се поставени ергономски седишта, а специјалната полициска опрема не треба да се набројува, доволно е да се каже дека се е вклучено.

Фордовиот модел за полицијата на американските патишта се очекува да пристигне на средината на следната година, неколку месеци по конечното пензионирање на моделот Crown Vic.