Проектираниoт пред 3 години од Стив Џобс iPhone води до зависност, покажа истражувањето на Универзитетот во Станфорд, со што се потврдија одамна постоечките сомневањa.

Истражувањето е направено врз 200 студенти, сопственици на iPhone, кои 70% од нив си купиле iPhone пред помалку од една година. Едно од највпечатливите откритија на истражувањето е брзината со која еден iPhone може да стане незаменлив дел од животот на својот сопственик, како и фактот дека повеќето анкетирани признаваат дека ќе се чувствуваат празно, ако одеднаш останат без него.

Еве и некои интересни факти. Околу 85% од сопствениците на iPhone го користат телефонот како часовник, 89% го користи како аларм. Всушност 75% од младите луѓе признаваат дека си легнуваат заедно со iPhone, а 69% велат дека е можно да го заборават паричникот дома, но не и телефонот.

Многу од студентите биле запознаени со својата зависност кон него и затоа било побарано да извршат оценување на зависноста по скалата од еден до пет. 10% од нив не се двоумеле да ја изберат максималната вредност, 34% ја оцениле зависноста со четворка и само 6% тврдат дека воопшто не се зависни.