Карпучино е првата колат во светот, која наместо гориво троши кафе.

Следната недела овој нов пронајдок во областа на технологијата ќе биде претставен на саемот за науката во Манчестер. Тој ќе се одржи од 11 до 13 март.

Тимот научници закупил фолкцваген од 1988 година за малку повеќе од 400 евра и потоа го трансформира во кола, која наместо бензин или дизел троши кафе.  Кафето, кое се користи како гориво, треба да биде многу суво и во зрна, за да може воздухот да струи додека кафето гори. Автомобилот троши околу килограм кафе на пет километри. За да вози уште 338 километри, растојанието од Лондон до Манчестер, се потребни 70 кг кафе во зрна или 11 760 чаши еспресо. Кога се има во предвид дека цената на кафето на британскиот пазар се движи помеѓу 15 и 30 евра за целото патување ќе бидат потребни помеѓу 1030 и 2070 евра.

За истиот пат Лондон Манчестер кола на бензин ќе потроши 40 евра. Тоа значи дека возењето со Карпучино ќе чини од 25-50 пати поскапо. Карпучино може да крене до 100 км/ч, а на секои 50-70 км. му е потребна "кафе пауза", за да се наполни со гориво односно кафе. На секој 90-100 км Карпучино треба да застане и да ги исчисти "филтрите за кафе". Не треба да се игнорира и емисијата кафе-гас, бидејќи чаша кафе емитува 125 гр. јаглероден диоксид, објавија британските медиуми.