Microsoft ги предупредува корисниците од појавата на антивирус кој има слично име и како и легитимен антивирус на компанијата, но тоа всушност е тројанец...

Оригиналното име на легалниот антивирус гласи "Microsoft Security Essentials", додека лажниот софтвер се разликува во еден збор и гласи "Secirity Essentials 2010". Проблемот продолжува кога корисниците, кои ќе го видат името Microsoft, автоматски почнуваат со вчитување на лажниот антивирус, не знаејќи дека со тоа во компјутерот внесуваат тројанец наречен Win32/Fakeinit.

Овој тројанец инсталира лажна антивирусна компонента која ги гаси легитимните процеси на системот и ги намалува безбедносните подесувања на вашиот компјутер. Освен тоа што системот станува ранлив, тројанецот го блокира пристапот до некои страни и корисниците ги предупредува дека некои од верзиите на програми инсталирани на компјутерот треба да се отфрлат од компјутерот.