Во фабриките се користи детскиот труд, се работи повеќе од она што е дозволено...

Apple призна дека во некои од фабриките во кои за компанијата се произведуваат компјутери, телефони iPhone и iPod се користи детската работна сила. Иако Apple не навел во кои од фабриките станува збор и во која земја се наоѓа, се претпоставува дека станува збор за Кина, од каде доаѓа и мнозинството на производи од Apple. На 24-те страници во извештајот се наведува како во три фабрики се вработени 15-годишни деца, иако законскиот минимум за вработување во земјите изнесува 16 години.

Apple во својот годишен извештај истакна дека во 55 од 102 фабрики не се почитувала Apple-овата одредба во која вработените не смеат да работат повеќе од 60 часа неделно, со напомена дека законот за работа во Кина како максимум дефинира 44 работни часа неделно. Овој извештај е само уште еден доказ за маките на работниците на Apple, компанијата која досега многу пати се нашла на удар од критичарите поради малтретирање и злоупотреба на работници и сиромашни услови за работа во фабриките.