Лига на Шампиони Извршниот директор на Интер, Ернесто Паолило е задоволен од ждрепката за четврт-финалето во Лигата на Шампионите но предупредува дека не треба да се потцени ЦСКА Москва

Паолило заедно со Луис Фиго беа претставниците на Интер во Нион каде што денес беше извршена ждрепката за четврт-финалето од Лигата на Шампионите.

Интер помина најлесно од фаворитите и ја доби ЦСКА Москва но Паолило предупредува дека тие не смеаат да го потценат клубот од Русија.

“Од искуство, ждрепката може да се каже како поволна или неповолна само откако ќе биде одигран натпреварот.” – рече Паолило.

“Секогаш ќе се потсеќам на моментот кога за противник го добивме Анортозис од Кипар и сите велеа ’добра ждрепка’ но подоцна видовме колку се мачевме.”

“Натпреварот со ЦСКА нема да биде лесен и ќе биде лошо доколку ги потцениме. Има две причини за тоа, ЦСКА е на почетокот од сезоната и тие се свежи и бидејќи играат на вештачка трева, која им дава преднос на помалку технилките тимови бидејќи оние со поголем талент имаат помала контрола на топката.”

Интер е единствениот тим од Италија во Европските натпреварувања и Паолило е горд поради тоа.

“Ние сме гориди поради овој факт, и јас сум горд што сум дел од клуб што покрај одличното минато има и фантастична сегашност, и тоа што сме единствен клуб од Италија тука.”

“Дали зборував со Морати? Да, имавме краток разговор и тој исто така мисли дека на овој натпревар треба да му посветиме многу внимание.”

“Ние планираме да одиме далеку во ова натпреварување и тоа ќе го покажеме.”

Powered by: 24 FUDBAL.com.mk