Лига на Шампиони Стратегот на Реал Мадрид, Мануел Пелегрини вели дека превзема одговорност за елиминацијата од Лигата на Шампионите но нема да си поднесе оставка

Кралевите не успеаа да ја помиант осмина-финалната рунда од Лигата на Шампионите и покрај тоа што Флорентино Перез вложи над 250 милиони евра за ангажман на играчи од типот на Роналдо, Кака, Бензема и Чаби Алонсо.

По поразот од Лион во Франција медиумите од Шпанија најавија дека Мануел Пелегрини може да заработи отказ а сигурно медиумите очекуваат Чилеанецот да замине од Бернабе сега откако Реал е елиминиран од Лигата на Шампините.

По крајот на натпреварот, Пелегрини превзеде одговорност за елиминацијата но вели дека нема да си поднесе оставка.

“Превземам целосна одговорност за елиминацијата.” – рече Пелегрини. “Ова е голем чекор наназад, но потребно е да излеземе од оваа кал и да продолжиме да се бориме за титулата во Ла Лига.”

“Во првиот дел одигравме добро но промашивме две чисти шанси. Сонувавме за настап во финалето на Бернабе. Тимот сега е разочаран.”

Запрашан дали ќе даде оставка, Пелегрини рече: “Јас нема да поднесам оставка, елиминацијата е тешка, огорчени сме но јас нема да заминам.”

“Потребно е да ја прашата управата на клубот дали тие ќе ми врачат отказ но проектот кој го започнавме е многу поголем од шест месеци.”

Powered by: 24 FUDBAL.com.mk