Лига на Шампиони Црвените Ѓаволи со убедлива победа од 4-0 во реванш дуелот со Милан го заверија пласманот во четврт-финалето од Лигата на Шампионите
Росоњерите пристигнаа во Манчестер со надеж дека ќе можат да го изненадат Јунајтед на Олд Трафорд и да го елиминираат актуелниот шампион на Англија.
Но избраниците на Сер Алекс Фергусон повторно одиграа одлично и го демолираа Милан со убедливи 4-0.
Вејн Руни повторно беше нерешлива енигма за одбраната на Милан и англискиот интернационалец постигна два погодоци.
Напаѓачот на Јунајтед, кој игра во извонредна форма, можеше да го отвори резултатот по само три минути игра но од работ на шеснаесетникот биеше само крај голот на Абијати.
Првата голема шанса на Росоњерите ја имаше Роналдињо чиј удар со глава заврши сантиметри крај голот на Ван дер Сар.
Во 10та минута Хунтелар беше одлично проигран од Тиаго Силва но Холанѓанецот наместо да шутира на прва се реши да ја смири топката и му дозволи на Ван дер Сар да интервенира.
Три минути подоцна, Руни казни за промашените шанси откако Гери Невил упати одличен центаршут а напаѓачот на Јунајтед небранет од никого со удар со глава успеа да го совлада Абијати.
Во 20та минута Милан имаше шанса да го изедначи резултатот но Ван дер Сар успеа да го скроти ударот на Андреа Пирло.
До крајот на првиот дел двете екипи не успеаа да креираат посериозна шанса и на полувреме Јунајтед замина со минимално водство.
Но по само 60 секунди во вториот дел, Вејн Руни по втор пат се запиша во листата на стрелците.
Тиаго Силва загуби една топка на средината од теренот по што Нани одлично го пронајде Руни кој без проблем го совлада Абијати.
По еден час игра веќе беше и 3-0 за Јунајтед. Пол Сколс го проигра Парк Џи Сунг во шеснаесетникот на Милан и Јужнокореанецот биеше прецизно во подалечниот агол на Абијати.
Ви 64та минута Леонардо се реши во игра да пушти поранешниот миленик на публиката на Олд Трафорд, Дејвид Бекам кој се обиде да го совлада Ван дер Сар со силен удар од далечина но голманот на Јунајтед ја исфрли топката во корнер.
Во 88та минута Флечер ги постави конечните 4-0 по додавањето на Рафаел за тотално демолирање на Милан.
Powered by: 24 FUDBAL.com.mk
