Изненадувачки, но вистинито. Тајгер Вудс одбил договор за спонзорство во вредност од 75 милиони долари...

Компанијата која му го понудила спонзорството се вика Paddy Power и е најголемата ирска компанија за интернет обложување. Иако изгубил серија профитабилни спонзорства по скандалот со љубовниците, славниот голфер очигледно смета дека има доволно пари штом може да си дозволи да одбие една таква дарежлива понуда. Компанијата Paddy Power понудила договор на пет години, но компанијата која ги застапува интереснита на Вудс, IMG, ја одбила првата понуда.

Преговорите продолжуваат, но не е познато кои се условите на Тајгер. "Paddy Power и понатаму останува посветена на работата со Тајгер Вудс и повторно ќе се најдеме со IMG. Ќе биде понудена уште подобра опција, но деталите засега ќе останат во тајност", пишело во соопштението на ирската компанија.