Децата во Обединетите Арапски Емирати ќе се учат да возат од 5-годишна возраст.

За малите автољубители ќе биде изградено специјално градче во предградието на Абу Даби, соопшти претставникот на локалната полиција мајор Ахмед ан Нијади.

Гратчето вредно 50 милиони долари, се планира да биде изградено во текот на следните 5 години. Патната мрежа ќе биде опремена со семафори, тунели, мостови, имитација на дожд и магла. Ситуацијата по патиштата на гратчето максимално ќе се доближува до реалноста и ќе биде надгледувана од страна на полициски центар. Таму ќе се регистрира кршењето на патните правила и ќе се известуваат родителите на малолетните возачи.

Децата на возраст од 5-12 години ќе се обучуваат со мали автомобили, кои ќе развиваат брзина до 15 км/ч.

Децата во старосната група од 13 до 17 години ќе можат да возат автомобили со бензински мотор, кои ќе развива брзина од 20 км/ч. За љубителите на високата брзина ќе биде создадена специјална траса, изедначена со оние од Формула 1. Таму тие на слобода ќе можат да возат со брзина до 70 км/ч.

Родителите ќе имаат можност да ги следат своите деца на територијата на целиот град со помош на специјални монитори од блискиот ресторан.

Мајор Нијади признава дека населението на Емиратите нема висока култура, кога станува збор за автомобили. Милионите емигранти кои живеат во ОАЕ, прават помалку сообраќајни повреди од локалните. Главната задача на гратчето ќе биде воспитување и создавање на дисциплинирани возачи.