Во школите во Глазгов покренат е курс за правилно спиење, со кое на децата ќе им се промени и подобри животниот стил...

Курсот во моментов се одржува во четири училишта, а организацијата која го спроведува, се обидува да ја наговори шкотската влада да се прошири едукацијата и на останатите образовни институции. Пробниот курс за правилно спиење бил покренат со цел да се промовираат здравите навики на ратото одење во кревет, а основачите се надеваат дека ќе ги одвратат децата од некои лошите навики, како гледањето телевизија во доцните вечерни часови.

На курсот се учи за важноста на спиењето и избегнувањето на носење мобилни телефони, преносни компјутери и конзоли за игри во креветот. Целта е да им се помогне на децата да научат поефикасно да бидат помирни и психички стабилни. Иако експертите велат дека децата не треба да спијат повеќе од девет часа на ден, некои не успеваат да соберат ниту четири часа спиење дневно.

Дoбротворната организација Sleep Scotland, која ги води курсевите, посочува дека поради недостигот на сон, децата се преуморни да се концентрираат и мозокот да им работи со полн капацитет. "Нема да го испратите детето во училиште без доволно храна, зошто тогаш го испраќате без доволно сон?", напоменуваат во организацијата.