Претставниците на белградската арена и музичката ТВ мрежа МТВ вчера најавија дека постои можност во главниот град на Србија да биде организирано доделувањето на европските МТВ награди...
"Разговорите почнаа и наша желба е тоа да се случи во 2011 година. Ги очекуваме пресметките и документацијата во следниот месец. Шансите се големи", рекол директорот на белградска арена, Дејан Петровиќ, на прес-конференцијата во Белград. Заинтересираноста за доделувањето да биде одржано во Белград ја потврдил и генералниот директор на регионалниот МТВ. Минатата година, да се потсетиме, церемонијата за доделување на наградите MTV Europe Music Awards се одржа во Берлин.
